حکومت خیبر پختونخوا کے مختلف محکموں نے نئی/خالی آسامیوں کیلئے خیبر پختونخوا پبلک سروس کمیشن کے ذریعے درخواستیں طلب کی ہیں۔ اشتہار نمبر1/2016ہے ۔ آخری تاریخ 8اپریل2016 ہے۔
درخواست دینے کا طریقہ:۔
اشتہار میں مطلوبہ تعلیمی قابلیت کے مطابق آسامی کا انتخاب کیجئے۔
صوبہ خیبر پختونخوا کو پانچ زونز میں تقسیم کیا گیا ہے۔ آسامیوں کی تقسیم زونز کے حصاب سے ہوتی ہے یا اوپن میرٹ پرجس کیلئے ہر علاقے سے اپلائی کی جاسکتی ہے جبکہ زونل تقسیم کے مطابق صرف متعلقہ زون کے اُمیدوار درخواستیں دے سکتے ہیں۔(پبلک سروس کمیشن کی ویب سائٹ پر زونز کی تفصیلات موجود ہیں)۔
درخواست دینے کیلئے فارم نیشنل بینک آف پاکستان کی مخصوص شاخوں پر دستیاب ہیں(جن کی تفصیل بھی ادارے کی ویب سائٹ پر موجود ہے) جو کہ مطلوبہ فیس جمع کرکے وصول کی جاسکتی ہے۔ جبکہ آن لائن بھی فارم دستیاب ہے، اس کو ڈاؤنلوڈ کرکے بھرا جاسکتا ہے۔آن لائن فارم کے ساتھ بینک چالان فارم بھی موجود ہے جس کو بھر کر مطلوبہ فیس بینک میں جمع کرکے چالان فارم اور چالان فارم کی تفصیلات آن لائن فارم میں درج کی جاتی ہیں۔
ہر درخواست کے ساتھ درخواست دہندہ کے تین پاسپورٹ سائز تصاویر، قومی شناختی کارڈ، تعلیمی اسناد، ڈومیسائل کی فوٹو کاپیاں کسی بھی کلاس ون آفیسر سے تصدیق کرواکر منسلک کی جاتی ہیں۔ جبکہ اپنے علاقے کے دو افراد سےاچھے اخلاق کا سرٹیفیک (کریکٹر سرٹیفکیٹ) لیا جاتا ہے جس کا متن کچھ یوں ہوتا ہے:۔
تصدیق کی جاتی ہے کہ مسمی ۔۔۔۔۔۔۔۔۔۔۔۔۔ ولد ۔۔۔۔۔۔۔۔۔۔۔۔۔ سکنہ۔۔۔۔۔(ایڈریس)۔۔۔۔۔۔۔ کا مستقل باشندہ ہے اور یہ کہ مسمی۔۔۔۔(نام)۔۔۔۔۔اچھے اخلاق و کردار کا مالک ہے۔
نام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شناختی کارڈ نمبر۔۔۔۔۔۔۔۔۔۔۔ ۔شناختی کارڈ نمبر۔۔۔۔۔۔۔۔۔۔۔۔
ایڈریس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایڈریس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فارم کے آخر میں تفصیل سے مطلوب دستاویزات کی لسٹ موجود ہوتی ہے۔ فارم ایک نمبر پر اور دیگر دستاویزات دیئے گئے نمبرز پر فارم کے ساتھ منسلک کئے جاتے ہیں۔ جبکہ دیگر متعلقہ دستاویزات بھی منسلک کئے جاتے ہیں جو مطلوبہ آسامی کے مطابق ہوتے ہیں۔
سرکاری ملازمین کیلئے ایک علیحدہ فارم ساتھ ہوتا ہے جس کو فارم ڈی کہتے ہیں۔ اس فارم کو الگ سے اپنے محکمہ کے ذریعہ پبلک سروس کمیشن کو بھیجا جاتا ہے جس کا مقصد درخواست دہندہ کا آسامی کیلئے درخواست دینے پر حکومت کی طرف سے اجازت نامہ ہوتا ہے۔ جس کو تھرو پراپرچینل اپلائی بھی کہتے ہیں۔
تمام ڈاکیومنٹس کی تصدیق شدہ کاپیاں فارم کے ساتھ لگا کر کمیشن آفس میں آخری تاریخ سے پہلے پہلے جمع کریں یا ڈاک کے ذریعے بھیجے جاسکتے ہیں۔
Khyber Pakhtunkhwa Public Service Commission Advertisement No. 01/2016
0 comments:
Post a Comment