تصویر کہانی

ہماری تھوڑی سی بے احتیاطی کسی کی جان لے سکتی ہے۔ زیر نظر تصویر میں ایک بچی کو گاڑی کی چھت پر بٹھایا گیا تھا اور یہ لوگ شاید کسی پیری فقیری والے گروپ سے تعلق رکھتے ہیں۔ یہ لوگ مین روڈ پر اسی طرح ڈرائیونگ کرتے ہوئے رواں دواں تھے اور شاید کوئی چندہ وغیرہ بھی مانگ رہے تھے، یہ جو کچھ بھی کر رہے تھے اُس سے قطعہ نظر مسئلہ اس معصوم جان کا ہے جس کو معلوم نہیں کہ اُس کے بڑے اُسے کہاں اور کس لئے لے کر جا رہے ہیں۔ سوچنے کی بات یہ ہے کہ اپنے مقاصد کے لئے اس معصوم جان کو کیوں بغیر کسی احتیاط کے استعمال کیا جا رہا ہے۔ اسی طرح ہمارے کئی دوست احباب موٹر سائیکل پر اپنے بچوں کو لے کر جا رہے ہوتے ہیں مگر اُن کے لئے کوئی بھی حفاظتی اقدام نہیں کیا ہوتا حالانکہ صرف ٹریفک پولیس کے چالان سے بچنے کے لئے خود ہیلمٹ تو پہن رکھی ہوتی ہی لیکن ساتھ میں بچوں کا خیال نہیں ہوتا۔